ಫತೇಪುರ ಸಿಕ್ರಿ: ವಿವಾದಕ್ಕೆ ಸಿಲುಕಿದ ಅಕ್ಬರನ 'ನವರತ್ನ'

(6 Mar) ಆಗ್ರಾ: ಮೊಘಲ್ ದೊರೆ ಅಕ್ಬರನ ಆಸ್ಥಾನದ 'ನವರತ್ನಗಳ' ವಿಗ್ರಹಗಳನ್ನು ವಿಶ್ವ ಪರಂಪರೆ ತಾಣ ಫತೇಪುರ ಸಿಕ್ರಿಯಲ್ಲಿ ಸ್ಥಾಪಿಸಲು ಡಿವಿಷನಲ್ ಕಮೀಷನರ್ ಪ್ರದೀಪ್ ಭಟ್ನಾಗರ್ ಅವರು ಕೈಗೊಂಡಿರುವ ನಿರ್ಧಾರದ ಬಗ್ಗೆ ವಿವಾದ ಉದ್ಭವಿಸಿದೆ. ಮಹಾನ್ ವ್ಯಕ್ತಿಗಳಿಂದ ಜ್ಞಾನ ಗಳಿಸಿಕೊಳ್ಳುವ ಅಕ್ಬರನ ಆಸಕ್ತಿಯು ಆತನ ಆಸ್ಥಾನಕ್ಕೆ ಪ್ರತಿಭಾವಂತರ ಸೇರ್ಪಡೆಗೆ ಕಾರಣವಾಗಿತ್ತು. ಆಸ್ಥಾನದ ಇಂತಹ ಪ್ರತಿಭಾವಂತರು 'ನವರತ್ನಗಳು' ಎಂದೇ ಖ್ಯಾತರಾಗಿದ್ದರು. ಜನಪ್ರಿಯ ನಂಬಿಕೆಯ ಪ್ರಕಾರ ಅಬುಲ್ ಫಜಲ್, ಅಬ್ದುಲ್ ರಹೀಮ್​ಖಾನ್-ಐ-ಖಾನಾ, ಬೀರ್ ಬಲ್, ಮುಲ್ಲಾ ದೊ-ಫಿಯಾಜಾ, ಫೈಜಿ, ರಾಜಾ ಮಾನ್ ಸಿಂಗ್, ರಾಜಾ ತೋಡರ ಮಲ್, ಫಕೀರ್ ಅಜಿಯೋ ದಿನ್ ಮತ್ತು ತಾನ್ ಸೇನ್ ಇವರು ಅಕ್ಬರನ ಆಸ್ಥಾನದ 'ನವರತ್ನ'ಗಳು. ಆಗ್ರಾ ಅಭಿವೃದ್ಧಿ ಪ್ರಾಧಿಕಾರದ ನಿಧಿಯನ್ನು ಬಳಸಿಕೊಂಡು ಭಟ್ನಾಗರ್ ಅವರು ಫತೇಪುರ ಸಿಕ್ರಿಯಲ್ಲಿ ಸ್ಥಾಪಿಸುವ ಸಲುವಾಗಿ ಈ 9 ಪ್ರತಿಮೆಗಳ ನಿರ್ಮಾಣಕ್ಕೆ ಆಜ್ಞಾಪಿಸಿದ್ದರು. ಆದರೆ ತಮ್ಮ ಆಸ್ಥಾನದ ಒಂಬತ್ತು 'ರತ್ನಗಳನ್ನು' ಅಕ್ಬರನು ನೇಮಿಸಿದ್ದಕ್ಕೆ ಸಂಬಂಧಿಸಿದ ಚಾರಿತ್ರಿಕ ದಾಖಲೆಗಳನ್ನು ಒದಗಿಸುವಂತೆ ಇತಿಹಾಸಕಾರರು ಈಗ ಅವರನ್ನು ಕೋರಿದ್ದಾರೆ. 'ನನ್ನ ತಿಳುವಳಿಕೆಯ ಪ್ರಕಾರ ಅಕ್ಬರನ ಒಂಬತ್ತು 'ರತ್ನ'ಗಳ ಬಗ್ಗೆ ಅಧಿಕೃತ ಪಟ್ಟಿಯನ್ನು ಯಾವುದೇ ಸಮಕಾಲೀನ ಇತಿಹಾಸಕಾರನೂ ಒದಗಿಸಿಲ್ಲ. ಅದು ಕೇವಲ ಜನಪದ ನಂಬಿಕೆ' ಎಂದು ಖ್ಯಾತ ಮೊಘಲ್ ಇತಿಹಾಸಕಾರ