General Knowledge in Kannada

ಭಾರತೀಯ ಮೂಲದ ಮಿನೊತಿ ಆಸ್ಟ್ರೇಲಿಯಾದ 'ವರ್ಷದ ಮಹಿಳೆ'

(17 Mar) ಮೆಲ್ಬರ್ನ್ (ಪಿಟಿಐ): ಮೇದೋಜೀರಕ ಗ್ರಂಥಿ ಕ್ಯಾನ್ಸರ್ ಸಂಶೋಧಕಿ, ಭಾರತದ ಮಿನೊತಿ ಆಪ್ಟೆ ಅವರು ಆಸ್ಟ್ರೇಲಿಯಾದ ನ್ಯೂ ಸೌಥ್ ವೇಲ್ಸ್ ರಾಜ್ಯದ 2015ನೇ ಸಾಲಿನ 'ವರ್ಷದ ಮಹಿಳೆ' ಪ್ರಶಸ್ತಿಗೆ ಭಾಜನರಾಗಿದ್ದಾರೆ. ನ್ಯೂ ಸೌಥ್ ವೇಲ್ಸ್ ವಿಶ್ವವಿದ್ಯಾಲಯದಲ್ಲಿ ಸಂಶೋಧಕಿಯಾಗಿರುವ ಮಿನೊತಿ ಅವರಿಗೆ ವೈದ್ಯಕೀಯ ಸಂಶೋಧನೆಗಾಗಿ ಈ ಗೌರವ ಸಂದಿದೆ. ನ್ಯೂ ಸೌಥ್ ವೇಲ್ಸ್ ಸಂಸತ್ ಭವನದಲ್ಲಿ ಇತ್ತೀಚಿಗೆ ನಡೆದ ಸಮಾರಂಭದಲ್ಲಿ ಪ್ರಧಾನಿ ಮೈಕ್ ಬೈರ್ಡ್ ಹಾಗೂ ಮಹಿಳಾ ಖಾತೆ ಸಚಿವೆ ಪ್ರೂ ಗೊವಾರ್ಡ್ ಅವರು ಮಿನೊತಿ ಅವರಿಗೆ ಪ್ರಶಸ್ತಿ ಪ್ರದಾನ ಮಾಡಿದ್ದರು.